Thu Ma Sa

A Khatvei Na Dansk-Zomi Dictionary ( Danish-Zomi Ordbog ) Hongpian Khiatna Thu

Kum zalom 21 ( Century 21 ) sung in, Zomi te Leitung gam tuamtuam a gambel in ih tun kawikawi na tawh kizui in, Denmark gam a zong, Zomi te, September, 2003 kum a ki pa’n a ki teng toto a hihi. Pasian honggeelsak sa om bang in. Zomi pawlkhat te ten na dinggam a hi,hih Danmark gam a gammi te pau leh lai theihloh telloh a phamawh a kisap na tawh ki zui in, Dansk pau/lai a ki sintek na tungtawn in,Dansk pau/lai sinna sang te a, Dansk-Zolai Dictionary ih ki sam mahmah hi.

Danish-Zolai Dictionary neihzawh bawlzawhna ding lunggualh na tawh. Pa Khen Za Muan Thang in honghuh zo ding a ah muan, Pastor Johannes Lind kiang a huhna ah va nget na tungtawn in, Pastor Johannes Lind in konghuh zo ding hi a cih ciang in hihvaitawh kisai, Zomi Innkuan Denmark ( ZIDK ) in meeting khat ki nei in, Dansk-Zomi Dictionary bawlding in thu kim na ki nei hi.

Pastor Johannes Lind in, Dansk-Zomi Dictionary hongbawl sak theih na ding in, Dr. Dal Lian Haokip Ph.D ii hongbawl a hi,English-Zomi Dictionary mah pulphuh siiksan a kibawl ding a hih na tawh kizui in, Dr. Dal Lian Haokip tung a phalna ( Permision ) ngah masak ding kisam a hih man in. Pa Khen Za Muan Thang in, Date 30/ 04/ 2011 ni, 4.00 Pm hun in Lamka. India a om Dr. Dal Lian tung a phone tawh hopih in phal na a nget na tungtawn in, Dr. Dal Lian in zong a mipih te hongit na leh hongdeihsak na tawh lungkim tak in phalna ( Permision ) hongpiak na tungtawn in, Dansk-Zomi Dictionary a kibawl thei a hihi.

A tung a ih gen sa mah bang in, Dr. Dal Lian hongbawl English-Zomi Dictionary bulphuh siiksan a ki bawl a hih mah bang in, Manglai, English munteng a, Dansk laimal hongguansak/ hongbualhsak hi in, Zolai mun teng Dr. Dal Lian hongbawl bangbang mah a ki zang a hihi.

Hih Dansk-Zomi Dictionary a kibawl na in,summeet sumzon na ding lunggualh na lam hih peuhmah lo in, Danmark Zomi te ki tangsap na lianpi tawh kizui a kibawl a hihi. Hih Dansk-Zomi Dictionary hongpian khiat theih na ding in sumbei khempeuh Zomi Innkuan Danmark ( ZIDK ) in hongsik a hi a,ah hawmkhia zong ZIDK kipawl na pa’n mah a hihi.

Lungdam Ko’h Na

Hih Dansk-Zomi Dictionary hong piankhiat zawh na ding in, apil asiam na it sit hetlo in leh,hun tampi khatam pi sung deihsakna takpitawh sum leh paai tampi hongbeih lawh a hongbawl sak, Pastor Johannes Lind, Pensionist.Vor Frelser Kirke: Esbjerg tung leh, English-Zomi Dictionary bulphuh siiksan a bawltheih na ding a phalna hongpia, Dr. Dal Lian Haokip Ph.D te tung a nakpi tak in ki lungdam hi. Pastor Johannes Lind leh Dr. Dal Lian Haokip Ph.D te hih mun pan in ZIDK mintawh pahtawi na ih pia hi.

Dansk-Zomi. Zomi-Dansk namnih in a kibawl sak a hihi, sum leh paai hamsat na tawh Dansk-Zomi bek a laibu a ki bawl zo pan a hihi. Hih Dansk-Zomi . Zomi-Dansk Dictionary hong bawl sak sung Marts 2011 - August 2011 sungteng a hihi.

Zomi Innkuan Denmark ( ZIDK ) 2011

Forord

Undertegnede forstår slet ikke det sprog, der her er lavet en ordbog for. Men jeg forstår så nogenlunde engelsk og kan da supplere min viden ved hjælp af en almindelig engelsk-dansk ordbog. Fremgangsmåden har så været den samme som i min tidligere udgivne Chin Ordbog (Hakha-Chin). I dette tilfælde har grundlaget været Dr. Dal Lian Haokip: English-Zomi Dictionary. De engelske gloser har jeg kunnet oversætte til dansk. Men det er et betænkeligt forehavende. Ofte kan et engelsk ord have betydninger, der svarer til flere forskellige danske gloser, og ved man nu, hvilken af de betydninger, forfatteren af den oprindelige ordbog har haft i tankerne? Dertil kommer, at engelsk ikke bare er engelsk. Der er - foruden det, som en almindelig engelsk-dansk ordbog primært beskæftiger sig med, - både amerikansk engelsk og indisk engelsk. Og det er ikke bare stavemåder, der kan afvige; det kan betydningsindholdet sikkert også. Forhåbentlig kan det være til hjælp, at nærværende ordbog har bibeholdt de engelske ord, der er blevet oversat. Det kan måske hjælpe de læsere, der har et vist kendskab til engelsk, til at få den rigtige betydning frem.

Tak til Dr. Dal Lian Haokip, der har accepteret, at vi benyttede hans ordbog til dette projekt. Og tak til Khen Za Muan Thang og hans venner, der har gjort et omhyggeligt arbejde med at læse korrektur på zomiteksten.

Og ikke mindst tak til Annalise, min kone, der har støttet mig i, at jeg burde kaste mig ud i arbejdet, og derfor i måneder mest så min ryg, når hun da ikke kaldte til måltider eller daglige spadsereture.

August 2011
Johs. Lind

Theihsakna

Na khatpeuh a et leh a geen baih napi, a taktaka hih pen haksa mahmah hi. Lasa siamte lasakte ih ngaih ciangin a baih ding bang napi ih va sak ciangin puannuai a sa, tui sunga pau mah kibang lel hi. Mi khat in thu a geen ciangin a kam awknateng, a pau khialhnateng ih thei-a, "lawm lawm" ih cihsan hi. A hih hangin eimah mah ih va kipat ciangin siam lo ci-a ih nuihsatte mah ba kibang bek tham lo-in tuate saangin kisiam lo zaw lai hi. College ka kah lai-in ka lawmte khat in kum li kum nga sunga Pasian thugeente, tualsung mi hi henla, gamdang pan hi ta leh, khat beek siam a sak om lo hi. Amah lah thu geen thei vet lo, kamawk daldal khat hi zaw mah lai hi. Leitung bup bawlung kidemnate ih et ciangin bawlung suui mi tampite siam ih sa kei a, ih hawmthawh mahmah uh hi. A hi zongin, hih ka laigelh sima thei siamte sung panin leitung bupa kimawl thei ding khopa siam cik ciangin, kum za bangzah ciangin hih om zo tam cih pen ngaihsut haksa mahmah a, mual mong et bang bek hi. World Cup kituhna ah India nangawn kihel zo lo ahih leh eitekihel ding bel geen vet om kei maw.

Lai gelh zongh a haksa pente laka khat ahi hi. Tua ahih manin thautang saangin laikung haatzaw na kici liang hi. A geen haksa-a, a gelh zongh baih tuan la hi. Siam lo pipi mahin lungluut lua ka hih manin leh keimah mah in ka phattuampih theih khaak leh ci-in tuma kum bangzah hiam khata kipan hih laibu bawl ka na kipan hi. Hih bek nasep leh kivaakna-a ka neih hi lo ahih manin deih bangin ka nawh sep thei kei hi. Khat veivei lungkiatna in hang buakcip hi. Tua bang hun ciangin a kha a simin khoih , lawng lo-in ka om cip hi. Khat veivei lah thadahna in hang tut neih-a, bangmah seem nuam lo-in ka om thei hi. Ka thadah lawhna leh ka lungkiat lawhnate laka khat in, ei Zomite' pau-a kigelh leh kibawl khia laibu khatpeuh ka et ciangin a meet mu zo a om kei phial hi. Pawl khatte'n a bawl man zah ii a lang zongh mu zo lo lai uh hi. Tua ahih manin bawl man om kei, a mawkna-a gimna hi, a khawnkhonga sum leh paai, thagui thatang bei sakna hi ka ci zeel hi. Tua banga lungkiatna leh thadahna in hang buakcip zeello hi leh tuma kum thum lai pekin ka zo khin ding hi. Computer-a kikhum zawh kum thum vaal vinghvengh ka koihcip lai-a, laimal dik leh dik la sittelna (proof reading) ka pawl pah kei hi. Hong deih sak lawm leh gual, meel theih pawl khatte'n hang haanthot phatphat uh ciangin, "Khai leh, bangbang hi leh kipan thak kik le'ng aive maw," ci-in thathak saanin kong kipan kika hih ciang hang tung thei a suak hi.

Ei pau leh ei lai cih mana sin lop i-a kisiam ding na hi tuan lo hi. Englishte'n zongh amau pau amau lai mah na sin tanghtangh uh hi.Ei pau leh ei lai zongh sin peetmah-a sin dinga kisam mahmah khat ahi hi. English ka siam loh baanah ei pau nangawn zongh siam gina meello ka hih manin mun khatkhat ah a cih nopna kite! lian lo, a kithei siam lian lo om mai thei hi. Ka theihna a kicin loh baanah ei pau-a ih neih loh leh ih theih loh uh min leh puam, thu leh la tamlua ahih manin lungkim zawh lohna mun tampi om kha ding hi. Mun khatkhat ah a om ngei nai lopi mah phuahtawm kam ka zatna zongh om hi.

Ei pau pen la banga a saang, a lai, a niam gin nei pau hi a, kammal pawl khatte tom gin in, pawl khatte saau gin hi. Hih a saang, a lai a niam gin awte kilamdanna lahna bang mah nei lo ih hih manin bang mah ih cih thei kei hi. A hi zongin, a tom ginte ah vowel khat bek zangh-in a saau ginte ah vowel nih zatna tawh a kilamdannate ka lak hi.

Tedim pau leh lai-a kizangh ngei het lo kammal behlapna khat "tu" a kici pen mun khat khatah ka zangh hi. A seem pen numei ahih leh pasal ahih lam kithei thei lopi, pasal bang vive a va geen zongh maan tuan lo hi. Tua ahih manin, numei leh pasal ahihna kithei lote munah "tu" zat dingin hoih ka sak mana kong zat ahi hi.

English Mizo Burmese Tedim Tedim pau a zat ding
Speaker thusawitu saga piautu thugeennu/pa thugeentu
Singer hlasatu tachinsootu lasanu/lasapa lasatu
Giver petu pitu penu/pepa petu
Receiver dongtu letkhantu ngahnu/pa ngahtu
Maker siamtu piuhlhohtu bawlnu/pa bawltu
Caller kotu khawtu samnu/pa samtu

Na khatpeuh a kibawl masa pente deih bang in hoih lo-a, et suak lo-in, hih khial bawl khialhna tawh kidim hi.Ahih hangin tua a kibawl masa pente mah bulphuh-a a dang hong kibawl ciangin hoih seemseem bek hi. Vaanleeng kibawl masa pen tomcik bek leeng thei hi. Meileeng kibawl masa pen gamla taai lo-a, haat lo hi. Motor kibawl masa pente a pai thei lemlem bek ahi hi. Ahih hang in tua te mah pansan-a hong kibawl toh toh ciangin tu lai-a ih neih vaanleeng, meileeng leh motorte hong piang pan hi. Tua mah bangin hih ih dictio-nary in zongh paubaanna leh kawkbaanna, kicin lohna tampi nei ding hi. A hi zongin, hih pen bulphuh-a, hong kibawl phatphat ciangin, a hoih mahmah, geen siat nading a om nawn lo laibu hoih, dictionary hoihte ih nei thei ding hi.

Bang bang ahi zongin hih Dictionary tungtawnin mi tampi, a diakin saangnaupang ahi laite, in phattuamna a ngah ding uh lametna ka nei hi.

Lamka
Dr. Dal Lian Haokip
June 26, 2006

Laibu Bawlpa Thu

1958 October 15 ni-in Tonzaang khua-ah piang hi. Unau pasal 8 1akah a 5na hi-a, unau buppi lakah a 6na hi. Sanggam numei 2 bek nei hi. A neu lai-a kipan lai siama, a class ah khatna, nihna ngah tawntung hi.

1975 July kha in Spicer Memorial College, Pune ah Bachelor of Liberal Arts sim dingin kipana, 1979 March kha-in Religious Philosophy major leh Religious History minor tawh BLA degree lukhu khukna ngah hi. A major leh minor subjectte ah grade A vive ngah hi. 1979-80 sung Bachelor of Secondary Education (B.S.Ed) la-a, Spicer College buppi ah amah guak in tua kumin tua subject la hi. 1981-1982 sung Pune University Archaeology department ah M.A. sima, First Class in zo hi.

1982 June 27 ni-in a it mahmah a zi Niangno tawh pawlpi ngeina siangtho-in Pastor Zen Do Lian khutah kiteeng uh hi. 1982 July a pat 1983 June kha dong Khawruhlian, Mizoram ah Seventh Day Adventist pawlpi nuai ah Evangelist cum teacher seem hi. 1983 kum August kha-in Pune University nuai Deccan College ah Post Graduate and Advanced Training Institute ah Doctor of Philosophy degree ading ki-register hi. A Thesis pen "Aspects of Buddhism as Reflected in the cave-inscriptions of Western India." Archaeology department a research bawlte'n kum 5 pan 7 sung a bawllai-un amah'n kum 2 leh kha 8 sungin zo-a, 1986 September kha-in Ph.D. degree piakin om hi. Tua sung mahin a zi in Pune University mah ah M.A. English zo hi.

1986 September kha panin 1988 July kha ciang St. Paul's Institute, New Lamka ah saang Siapi (Principal) hihna leena a zi in saangsia hihna seemin 1989 January kha in Blue Star Academy hong uh hi. Tua kumin taan VIII tan hong uha, saang naupang 850 tawh kitodelh pah uh hi. Tua kum mahin taan VIII ciang kumpi theihpihna ngah pah uha, 1990 kumin taan IX siin sak theihna phalna ngahin 1991 kumin taan X saanga ciapteh ahi hi. 1992 kum a kipan 2006 dong mi 941 in taan X (HSLC) zo ta uh hi.

1987 May 10 in Pasian' piak tapa masa Do Sian Mang nei uha, January 12, 1989 (saang hon) kumin tapa nihna Kai Sian Khai nei uh hi. Tu-in a tategeel In taan XII zo uha, a baan a sim laitak uh ahi hi.

Lai lam a uuk, a lungluut mi khat ahih mah bangin College a kah lai peka kilpan Zolai tawh kisai laigelh tuamtuam nei khin hi. 1983-1986 sung, Ph. D. sina a om sungin Mrs. ElIen G. White ii gelh The Patriarchs and Prophets kici laimal 800 vaal a pha khat Zokam in teikhia hi. 1992 kumin Tedim Chin-English Dictionary (244)kici laibu khat bawla, kum nih nungin Zomite' Taangthute (248) a kici laibu dang khat bawl leuleu hi.

Minam vaai-a kipawlna leh kipawlna dangdangah panmun bangzah hiam leen ngei hi. Chin Students Association, Manipur, Chin Youth Association, Manipur ah kum 10 vaal Advisor in panga, tu'n zongh hi lai hi. Tedim Chin Union ah 1991 - 94, 1998-2002 sung General Secretary hi-a 1994-1998 sung Treasurer hi. Zomi Christian Literature Society (India) ah 1993 - 2005 tan Secretary hi-a, 2006 panin Chairman leen hi. 1995-1999 Churachandpur District Private Schools Association ah General Secretary hi-a, 1993-1995,2005- tuni dong Chairman hihna leen hi. 1998 pan 1999 sung Zomi Council ah Deputy Speaker hi-a, 1999-2000 sung, General Secretary hihna leen hi. Siamsin Pawlpi, Manipur, Chin Students Association, Manipur, Chin Youth Association, Manipur cihte ah Life Member leh Patron Member hihna nei hi.

June 30, 1997 kumin Friendship Forum of India, New Delhi te'n school lama nasep hoih manin Bharat Excellence Award tawh pahtawina pia uha, April 15, 1998 kumin, Glory of India Award tawh pahtawi leuleu uh hi.

Kum 2001-2005 sung Leitung bup Seventh Day Adventist Committee saang pen ah Executive Committee Member dingin teelin oma, hih Committee kah dingin 2001 a pat 2005 sungin 6 vei USA ah zin hi. Kum 5 sungin USA dung leh vaai ah Bus leh Vanleeng zangh-in zin hi. Kum 2006 March kha bup Maui Island, Hawaii ah Haggai Institute for Advance Leadership Training va kah hi. UK ah 1984 kumin kha khat va zina, Italy, Holland, Thailand, Singapore, Myanmar, Korea cihte ah zongh sawt lo sung va zin kha ngei hi.Pasian in lem a sakpih leh bawl nop sep nop leh zin nopna mun tampi nei lai hi.

Ordklasser

DanskLatinEngelskForkortelse
navneordsubstantivnounn.
udsagnsordverbumverbv.
tillægsordadjektivadjectiveadj.
biordadverbiumadverbadv.
stedordpronomenpronounpron.
forholdsordpræpositionprepositionprep.
bindeordconjunktionconjunctionconj.
talordnumeralenumeralnum.
spørgeordinterrogativinterrogativeinterrog.
egennavnpropriumproper nameprop.
kendeordartikelarticleart.
udråbinterjectioninterjectioninterj.
forstavelsepræfixprefixpref.
endelsesuffixsuffixsuff.